Бокстан Париж Олимпиадасының қола жүлдегері Назым Қызайбай не себепті ұзақ жылдар бойы үздіксіз еңбек етіп келе жатқанын айтып, жақындарының өз өміріндегі рөлін атап өтті.
Спортшы өзінің басты шабыт көзі – туғандары екенін жасырмады.
«Көпшілік алға ұмтылуға күш беретін — туған бауырлары, жақындары, балалары немесе ата-анасы дейді. Мен де осы оймен келісемін. Әрқашан алға ұмтылып, ең алдымен өзімнің ата-анама, бауырларыма, жақындарыма көмектесу үшін еңбек етіп келемін. Бұл мені бала күнімнен жігерлендірді. Адамның жақындарына қолдау көрсеткісі келуі – оған одан да көп еңбек етуге, алға ұмтылуға күш береді», – деді Қызайбай.
48 келі салмақта өнер көрсететін Назым Қызайбай биыл наурыз айында әлемнің үш дүркін чемпионы атанды. Сондай-ақ қыркүйекте Ливерпульде өткен әлем чемпионатында күміс медаль жеңіп алды. Осы нәтижелерімен ол Қазақстан боксы тарихында әлем чемпионатынан ең көп жүлде алған спортшы саналады: 3 алтын, 1 күміс, 1 қола.
