Еске сала кетейік, футзалдан Қазақстан құрамасы 2026 жылғы Еуропа чемпионатының іріктеу кезеңінде Армения, Дания және Албаниямен кездеседі.
13 желтоқсан күні Пауло Рикардо Кака шәкірттері іріктеу кезеңін Албанияға қарсы сырт алаңдағы матчпен бастайды. 5 күннен кейін Қазақстан құрамасы Армения командасын қабылдайды. Матч 18 желтоқсан күні Алматы қаласында, Балуан Шолақ атындағы спорт сарайында өтеді. Басталуы – 19:30.
Билеттерді ticketon.kz сайтынан онлайн сатып алуға болады. Бағасы – 1000 теңгеден басталады.
