Біріккен күрес әлемі ресми сайтында әйелдер күресінен 72 келі салмақта балуандардың рейтингінде жаңа көшбасшы анықталды.
Бұған дейін бұл салмақта көш бастап тұрған жапондық Ами Иши 2024 жылы Тиранада өткен әлем чемпионатында топ жарған болатын. Алайда, 2025 жылы Амманда өткен Азия чемпионатындағы жарқын жеңістен кейін Жәмила Бақбергенова жапон спортшысын рейтингтің бірінші сатысынан ығыстырды.
29 жастағы Бақбергенова Азия чемпионатының финалында Қытай балуаны Юки Люді жеңіп, өзінің құрлықтық додадағы төртінші алтын медалін алған еді.
Фото: ҰОК