Қазақстандық теннисші Михаил Кукушкин Алматыда өтіп жатқан ATP 250 Almaty Open турнирінің негізгі кезеңіне жолдама ала алмады.
Іріктеу кезеңінің финалында ол австралиялық Джеймс Даквортқа 4:6, 6:4, 5:7 есебімен есе жіберді. Кездесу 1 сағат 40 минутқа созылды.
«Әрине, жеңіліс ауыр тиді. Өз көрерменіңнің алдында бар күшіңді салғың келеді, бірақ кейде нәтиже ойдағыдай болмайды. Үйде ойнау – ерекше жауапкершілік, сондықтан бұл жеңіліс мен үшін өте ауыр болды», – деді Кукушкин матчтан кейін.
11–19 қазан аралығында Алматы Аренада жүлде қоры миллион доллардан асатын ATP 250 Almaty Open турнирі өтуде.