Қазақстан бокстан Азия жасөспірімдер ойындарында өзбектерден қалып қойды ма?

Бахрейн астанасы Манамада өткен 2025 жылғы Азия жасөспірімдер ойындарында бокстан медаль кестесі анықталды.
Қазақстан құрамасы жарысты жоғары деңгейде өткізді. Ел боксшылары жалпы 10 медаль жеңіп алды: 5 алтын, 3 күміс, 2 қола. Дәл осындай нәтижені Өзбекстан құрамасы да көрсетті. Осылайша екі елдің боксшылары медаль кестесінде бірінші орынды тең бөлісті.
Үшінші орынға Үндістан құрамасы тұрақтады – олардың еншісінде 7 медаль (4 алтын, 2 күміс, 1 қола).
Алтын медаль иегерлері (Қазақстан):
50 кг – Жұмағали Нұрмахан
54 кг – Досжан Жұмахан
66 кг – Даниял Шалқарбай
66 кг – Аяулым Оспанова
75 кг – Камила Оспанова
Күміс медаль иегерлері:
46 кг – Арман Мирсабит
+80 кг – Рүстембек Мұхамедәлі
+80 кг – Эльнула Қонырат
Қола медаль иегерлері:
54 кг – Рамина Махатова
75 кг – Санжар Матасов