Үстел теннисінен Қазақстан құрамасының көшбасшысы Кирилл Герасименко Эр-Риядта (Сауд Арабиясы) өтіп жатқан Ислам ынтымақтастығы ойындарының жеңімпазы атанды.
Ерлер арасындағы финалда ол мысырлық Омар Ассармен кездесіп, шешуші ойында 4:1 есебімен жеңіске жетті. Бұл жолы Герасименко 2024 жылғы Париж Олимпиадасының 1/8 финалында Ассардан алған жеңілісінің есесін қайтарды.
Айта кетейік, сол жарыста гандболдан Қазақстан әйелдер құрамасы алғашқы кездесуінде жеңіске жеткен болатын.