Қазақстанның бірінші ракеткасы Елена Рыбакина (WTA №5) Аустралияның Брисбен қаласында өтіп жатқан WTA 500 санатындағы турнирді сенімді жеңіспен бастады.
Жарысқа екінші айналымнан қосылған қазақстандық теннисші Қытай өкілі Шуай Чжанмен (WTA №79) кортқа шықты.
Алғашқы сетте Рыбакина басымдық танытып, 6:3 есебімен жеңіске жетті. Екінші партияда тартыс күшейе түсті. Сет басында Елена 1:4 есебімен ұтылып жатқанымен, есепті теңестіріп үлгерді. Алайда Шуай Чжан қайтадан алға шықты.
Соған қарамастан, Рыбакина ойын тізгінін өз қолына алып, шешуші сәттерде дәл қимылдап, матчты 6:5 есебімен аяқтады.
Айта кетейік, Шуай Чжан – жұптық сында әлемдік рейтингте екінші орынға дейін көтерілген тәжірибелі теннисші. Оның еншісінде «Үлкен дулыға» турнирлерінің екі чемпионы атағы бар – Australian Open-2019 және US Open-2021.
Үшінші айналымда Елена Рыбакина Чехия өкілі Мари Боузкова мен Испаниялық Паула Бадоса жұбының жеңімпазымен кездеседі.
Еске сала кетсек, Брисбендегі турнир 4–11 қаңтар аралығында өтеді. Жарыстың жалпы жүлде қоры – 1,2 миллион АҚШ доллары (шамамен 613,4 миллион теңге).
