ФИФА (Халықаралық футбол федерациясы) 2025 жылдың ең үздік футболшысы – The Best FIFA Men’s Player жүлдесіне үміткер 11 ойыншының тізімін ұсынды.
Тізімге ПСЖ клубының төрт ойыншысы енді. Олардың қатарында биылғы «Алтын доп» иегері Усман Дембеле, сондай-ақ Ашраф Ҳакимий, Нуну Мендеш және Витинья бар.
Сонымен бірге үміткерлер арасында:
Харри Кейн («Бавария»),
Килиан Мбаппе («Реал»),
Коул Палмер («Челси»),
Мохаммед Салах («Ливерпуль») және «Барселона» клубының үш ойыншысы – Педри, Рафинья және Ламин Ямал бар.
Айта кетейік, өткен жылы бұл марапатты «Реал» шабуылшысы Винисиус Жуниор иеленген болатын.
