Бұған дейін ұлттық құраманың бірнеше матчына қатыспаған Бақтиер Зайнутдинов Бельгиямен өтетін ойынға да қатыса алмайды.
Футболдан Қазақстан құрамасы мен Мәскеудің «Динамо» клубының ойыншысы қараша айында өтетін келесі матчта командаға көмек көрсете алмайды. Себебі Зайнутдинов әлем чемпионатына іріктеу кезеңі аясында Солтүстік Македонияға қарсы өткен ойында кезекті рет сары қағаз алып, 15 қарашада Бельгияға қарсы кездесуге қатысу құқығынан айырылды.
Сондай-ақ Бельгиямен өтетін матчта Исламбек Қуат та ұлттық құраманың сапында ойнамайды.