Кәсіпқой бокстың бұрынғы әлем чемпионы, қазақстандық Геннадий Головкин жеңіл салмақтағы UFC-дің экс-чемпионы, ресейлік Хабиб Нұрмагомедовпен кездесті.
Кездесу Біріккен Араб Әмірліктерінің Дубай қаласында өтті. Бұл туралы Головкиннің інісі Максим Головкин өзінің Instagram парақшасында хабарлады. Ол жариялаған суретте Геннадий Головкин, Хабиб Нұрмагомедов және Eagle FC ұйымының басшысы Шамиль Завуров бірге түскен. Пост бірнеше сағат ішінде 3 мыңнан астам лайк жинаған.
Айта кетейік, қазіргі уақытта Геннадий Головкин — Қазақстанның Ұлттық Олимпиада комитетінің президенті, сондай-ақ World Boxing ұйымы жанындағы олимпиадалық комиссияның төрағасы қызметін атқарады.