Танымал әнші Алтынай Жорабаева соңғы уақытта айтарлықтай өзгеріп, көпшіліктің назарын өзіне аударған болатын. Көпшілік оның сымбатты қалпына қалай жеткенін қызыға талқылап жүргенде, бұл сұраққа «Қазақ диетасы» жобасының негізін қалаушы Мөлдір Мұстафаева жауап берді.
Алтынай ханым – біздің ең табанды қатысушымыз
Мөлдір Мұстафаеваның айтуынша, Алтынай Жорабаева артық салмақтан арылу үшін арнайы «Қазақ диетасы» бағдарламасына қатысқан.
«Алтынай ханым біздің арықтату курсына қатысты. Біздің курсқа қатысқан ең адал, ең рухы мықты кісі Алтынай Жорабаева дер едім. Кейбіреулер «ақшасын төледім, енді сен мені арықтат» деп міндетсінетіні бар. Ал Алтынай ханым шарттар мен тапсырмаларды табандылықпен орындап, диетасын бұзып алса да, оны еш жасырмай айтатын біздің ең мықты қатысушымыз болды», — деді жоба авторы.
«Қазақ диетасы» нені үйретеді?
Мөлдір Мұстафаева – соңғы жылдары танымал болған «Қазақ диетасы» жобасының авторы. Ол ұлттық тағамдардан бас тартпай-ақ, дұрыс тамақтану мен ағзаны табиғи жолмен тазартудың тәсілдерін жүйелеп ұсынған маман ретінде белгілі.
Бұл жоба фастфуд пен шетелдік диеталарға балама ретінде қазақтың ұлттық ас мәзірін сақтай отырып, салауатты өмір салтын қалыптастыруды көздейді.
Алтынай Жорабаеваның жаңа бейнесі – мотивация көзі
Әншінің соңғы суреттері мен видеоларында ол бұрынғыдан әлдеқайда жасарып, жеңіл және энергияға толы күйде көрінеді. Көпшілік оның тәртіп пен табандылық арқылы жеткен нәтижесіне тәнті.
«Алтынай ханымның нәтижесі – таза еңбек пен рухтың жеңісі. Ол өз денсаулығына жауапкершілікпен қарап, нағыз үлгі көрсетті», — деп түйіндеді Мөлдір Мұстафаева.