Белгілі айтыскер ақын Айнұр Тұрсынбаева соңғы жазбасында көпшіліктің жүрегін елжіретіп, алаңдатты. Өнер иесінің анасы ауыр дертке шалдығып қалған екен.
Соңғы үш күн өте ауыр өтті. Миым да, жүрегім де тоқтап қалғандай күй кештім. Құдайға шүкір, бәрі артта қалған сияқты. Дәрігерлерге алғысымыз шексіз! Анамыз бір өлімнен аман қалды. Алла барша жақындарымызды сақтасын!, – деп жазды ол әлеуметтік желідегі парақшасында.
Еске сала кетсек, айтыскер ақын бұған дейін анасы туралы естелігімен бөліскен болатын.
Мені тоғыз ай, он күн көтеріп, жарық дүниеге әкелген анамның есімі – Манат. Бірақ мен қазақы тәрбие бойынша шешемді «шеше» деп атаған емеспін, үнемі атымен атаймын. Дегенмен, іштей қатты жақсы көремін, сағынамын, мейіріміне зәрумін. Қарақат орындайтын “Аяулы анам” әні дәл осы кісіге арналған. Марқұм әжем мені үнемі қызғанып, бөлектеп өсірген еді…, – деп жазған болатын Айнұр Тұрсынбаева.
