Актриса Дариға Бадықованың бұрынғы жұбайы Дархан Мұсаев «7-арнаға» сұхбат беріп, жеке өміріне қатысты ашық айтты.
Актер көпшілік жақсы көретін «Ыстық ұя» фильміне бармағанын және соңғы уақытта қоғамнан алшақ жүргенін мәлімдеді.
Өтірік айтпай-ақ қояйын. Соңғы бір жарым жылда мүлде киноға барған жоқпын. Тойларға да барудан бас тарттым. Өйткені кинотеатр – көпшілік орта, таныстар кездеседі. Ұялғандықтан бармадым. Экс-ханым тарапынан өздері мойындайтын шығар деп күтіп жүрмін. Маған оның бетпе-бет сөйлескені жеткіліксіз. Маған видеомен: “иә, мен осылай істедім” деген үндеу керек. Ол шындықты әзірге тек мен білемін. Өзі айтпаса, бір күні бәрін өзім ашып айтамын. Менің ойымдағыны олар бейнеүндеу арқылы айтсын. Шындық әлі ашылған жоқ. Ақшасын төлеп, студия жалдап, бәрін айтып шықсын. Айтылмаған дүние көп, – деді Дархан Мұсаев.
Сұхбат жарияланған соң актердің сөздері әлеуметтік желіде қызу талқыланып жатыр.