Белгілі қазақстандық продюсер әрі актриса Баян Алагөзова “Персонально MuzZone” жобасында өміріндегі қаржылық қиындықтары мен олардың шешімін бөлісті. Оның айтуынша, ол ешқашан күйзеліске берілмей, проблемаларды жеңіл қабылдауға тырысқан.
Жобамның бәрі мен үшін қымбат, себебі олардың әрқайсысы жүректен шығады, қаншама еңбек сіңген. Фильм өтпей қалса да, топ жүрмей қалса да, ән шықпай жатса да, өзімді жеңілдім деп санамаймын. Екінші, оныншы, жиырмасыншы жобалар сәтсіз болса да, өзімді кінәламаймын, – дейді Алагөзова.
Продюсер сондай-ақ бір миллион доллар қарызға батқан кезін еске алып, бұл жағдайға ойын секілді қарап, уайымға берілмегенін айтты. “Мен адамдарға барып: ‘Міне, менің қолым. Мен ешқашан ешкімді алдаған емеспін. Маған уақыт беріңіздер, мен қарызымды қайтарамын. Қанша уақыт кететінін білмеймін. Қазір ондай ақша табатын дайын жобаларым жоқ’ дедім”, – дейді ол.
Баян Алагөзова өз қарызын екі жыл ішінде қайтарғанын атап өтті.
Сол уақытта мен тыныш ұйықтадым, тамақты да рахаттанып жедім. Өмірге қуана қарадым, өйткені мәселеге жеңіл қарасаң, ол тез шешіледі, – деді продюсер.
Ол мансабының басында да ешқашан толқу немесе үрей сезімін бастан кешірмегенін, кәсібінде қиындықтар болса да, әрқашан сенім мен табандылыққа сүйенетінін айтты.