Белгілі әнші Димаш Құдайберген қазақстандық сарапшы Олжас Байділдиновтың Ресей БАҚ-ына берген сұхбатына байланысты өз көзқарасын білдіріп, оны қатаң сынға алды.
Бұған дейін Байділдинов ресейлік телеарнаға сұхбат беріп, «Қазақстанда орыс тіліндегі сыныптар азайып барады, бұған бір шара қолдану керек» деген пікір айтқан болатын.
Бұл сөз көпшілік арасында дау туғызып, әлеуметтік желілерде қызу талқыланды.
Әнші Димаш Құдайберген бұл мәлімдемеге бейжай қарамай, өз парақшасында былай деп жазды:
Қазақ тілін білмейтін адам ел атынан сөйлеп, осындай сөз айтады дегенге сену қиын. Сен провокаторды жұмыстан шығарар деп үміттенем, – деп жазды Димаш.
Желі қолданушылары да әншінің ұстанымын қолдап, мемлекеттік тіл мен ұлттық мүддені қорғаған мәлімдемесін оң қабылдады.
Айта кетейік, соңғы уақытта қоғамда тіл саясаты мен білім беру саласындағы теңгерім тақырыбы жиі талқыланып келеді.
