Жартылай орта салмақтағы бұрынғы әлем чемпионы, америкалық Джарон Эннис (35-0, 31 нокаут) отандасымыз Жәнібек Әлімханұлына (17-0, 12 нокаут) қауіп төндіруі мүмкін. Бұл пікірді америкалық танымал бапкер Стивен Эдвардс білдірді.
Эдвардс Эннистің әлеуетін оғары бағалап, боксшысын өзінің жаңа салмағында үстемдік жүргізе алатындығын атап өтті. Бапкердің сөзінше, америкалық қазірдің өзінде бірінші орта салмақтағы ең мықты боксшының бірі. Бүгінде ол әзірге бір ғана жекпе-жек өткізіп үлгерді: Эннис Уисму Лиманы бірінші раундта нокаутпен жеңіп, WBA біріншілік салмақтағы уақытша чемпиондық белбеуін жеңіп алды.
Мен оны 69,9 келіге дейінгі салмақ дивизионының ең мықты боксшысы деп есептеймін. Әрине, ештеңе істемей мойындалу мүмкін емес, бірақ ол кез келген қарсыласқа қарсы фаворит болары сөзсіз, – деді Эдвардс YSM Sports Media-ға.
Сонымен қатар бапкер Эннис орта салмақта (72,6 келіге дейін) WBO және IBF нұсқалары бойынша әлем чемпионы Әлімханұлына да фаворит болар еді деп есептейді.
Айта кетейік, Әлімханұлының алдағы қарсыласы дайын. Желтоқсан айында қазақстандық боксшы орта салмақтағы WBA чемпионы кубалық Эрисланди Ларамен (31-3-3, 19 нокаут) кездеседі.
