Семейде өтіп жатқан бокстан Қазақстан чемпионатының екінші жарыс күнінде шаршы алаңға көтерілген Ақмола облысының өкілі Оразбек Асылқұлов Қазақстан чемпионатындағы алғашқы жекпе-жегін өткізді.
60 келіге дейінгі салмақ дәрежесінде сынға түскен ол ақтөбелік Нұрболат Бекбауовпен кездесіп, төрешілердің бірауыздан шығарған шешімімен (5:0) жеңіске жетті.
Семей қаласында өтіп жатқан чемпионат 21 қазанға дейін жалғасады. Оның қорытындысы бойынша 2026 жылға арналған Қазақстанның жаңа ұлттық бокс құрамасы жасақталады.
Асылқұлов — 2024 жылғы Азия чемпионатының күміс жүлдегері. Сондай-ақ ол «өзбек боксының үрейі» деген лақап атқа ие болған.
Бекбауов кәсіби рингте өнер көрсеткен тәжірибелі спортшы. 2020–2021 жылдары ол алты жекпе-жек өткізіп, 5 жеңіс және 1 жеңіліс (оның біреуі нокаутпен) нәтижесін көрсеткен.
