Әлеуметтік желілерде атышулы трансгендер Амилай қайтадан көпшіліктің талқысына түсті.
Оның айтуынша, белгісіз адамдар соңғы уақытта артынан аңду ұйымдастырған. Осы жағдайдан кейін ол қауіпсіздігі үшін Қазақстаннан кетуге мәжбүр болған.
«Бұл видео осы жерде қалсын, менің қауіпсіздігім үшін! Егер мен жоғалып кетсем немесе маған бірдеңе болса, кімнің кінәлі екенін біліңдер. Мен бәрін білемін — қай жерде жұмыс істейтініңді, әйелің мен балаларыңның кім екенін де. Бұл ақпарат менде және достарымда бар. Маған бірдеңе болса, солар оны жариялайды», — деп жазды Амилай әлеуметтік желіде.
Ол шетелде жүргенін және қауіпсіздік мақсатында қонақүйлерін жиі ауыстыруға мәжбүр екенін де айтты.
Қазіргі таңда Амилайдың мәлімдемесіне қатысты ресми органдар тарапынан түсініктеме берілген жоқ.
