Әнші Бүркіт соңғы кезде қоғамда жиі талқыланып жүрген отбасы мен көп әйел алу тақырыбына қатысты өз пікірін айтты.
Өнер иесі ер азаматтарға ең алдымен өз қасында жүрген жарын бақытты етуге тырысу керектігін баса айтты.
Бір әйелді қарық қылып алыңдаршы. Бір әйелді бақытты қылу — ол да үлкен іс. Қазақтың санын көбейту туралы әңгімелердің көбі – бос сөз. Баланың саны емес, сапасы маңызды. Баланы тәрбиелеу керек. Таңнан кешке дейін бірге болып, көңіл бөліп, сабағын оқыту қажет, — деді ол.
Желі қолданушыларының басым бөлігі әншінің бұл пікірін қолдап, жылы лебіздерін білдірді.
«Дұрыс айтты», «Мықты ой», «Керемет сөз, дәл жүректен шыққан» – деген сынды пікірлер көп жазылды.
