Қарағанды қаласында жаңа футбол стадионының құрылысы жоспарланып отыр. Бұл туралы Қарағанды облысының әкімі Ермағанбет Бөлекпаев баспасөз конференциясында хабарлады.
Әкімнің айтуынша, 12 мың көрерменге арналған. Сонымен қатар өңірдегі футбол инфрақұрылымын жаңарту жоспары да жүзеге асырылуда.
«Мақсат – кәсіби мамандармен бірлесе отырып, заманауи инфрақұрылым жасау. Қазіргі уақытта 1956 жылы салынған ескі стадионды реконструкциялап жатырмыз. Былтырдан бастап алаңды жөндеп, трибуналар астын және барлық инфрақұрылымды жаңарттық. Енді 12 мың орындық жаңа жабық стадион жобасын дайындап жатырмыз. Ол Майқұдық пен Шығыс аудандарының арасындағы спорт кластерінде орналасады», – деді Ермағанбет Бөлекпаев.
