Қазақстанның бірінші ракеткасы Елена Рыбакина Аустралияның Брисбен қаласында өтіп жатқан WTA 500 санатындағы турнирдің ширек финалына шықты.
Жарыстың үшінші айналымында қазақстандық теннисші испаниялық Паула Бадосаны (WTA рейтингінде 25-орын) 6:3, 6:2 есебімен жеңді. Кездесу 1 сағат 26 минутқа созылды. Осы уақыт ішінде Рыбакина үш эйс жасап, бірде-бір қос қателікке жол берген жоқ әрі сегіз брейк-пойнттың бесеуін сәтті пайдаланды.
Ширек финалда Елена Чехия өкілі Каролина Мухова мен ресейлік Екатерина Александрова арасындағы матчтың жеңімпазымен кездеседі.
