Италиялық спорт инсайдері және журналист Фабрицио Романо Дастан Сәтпаевтің Чемпиондар лигасындағы жетістігі мен «Челси» клубына трансфері туралы пікір білдірді.
Сәтпаев «Қайрат» сапында Данияның «Копенгаген» командасына қарсы өткен ойында (2:3) гол соғып, негізгі кезеңде гол салған алғашқы қазақстандық футболшы атанды. Сонымен қатар ол Чемпиондар лигасының негізгі кезеңінде гол соққан ең жас үш футболшының бірі болды.
Дастан Сәтпаев Чемпиондар лигасының негізгі кезеңінде гол соққан алғашқы қазақстандық футболшы. Ол «Челси» клубымен келісімшартқа қол қойды және олардың құрамындағы келесі жарқыраған талантқа айналады, — деп жазды Романо.
Айта кетейік, 2025 жылғы ақпанда «Қайрат» Сәтпаевті «Челси» клубына 4,3 миллион еуроға сатқанын хабарлаған еді. Лондон клубына футболшы 2026 жылғы тамыз айында, яғни 18 жасқа толғаннан кейін қосылады.
