Танымал әнші Жанар Айжанованың қызы, актриса әрі блогер Айжұлдыз Адайбекова екінші ұлына қандай есім бергенін көпшілікпен бөлісті.
Ол әлеуметтік желідегі парақшасында оқырмандарының сауалына жауап беріп, ұлының есімі – Қағаров Санат Сәкенұлы екенін хабарлады.
Айжұлдыздың айтуынша, «Санат» сөзі «үйлесім», «жарасым» деген мағына береді:
Оның өмірі әрдайым үйлесімде болғанын қалаймын. Менің айналамдағы адамдардың көбі есімінде екі немесе төрт дауысты әріп бар жандар. Бұл жай сәйкестік емес деп ойлаймын. Қараңызшы: анам – Жанар, ұлым – Назар, күйеуім – Сәкен, енді – Санат, – деп жазды Айжұлдыз.
Желі қолданушылары актрисаның бұл жазбасына жылы пікірлер қалдырып, жаңа туған нәрестеге ұзақ ғұмыр мен бақыт тіледі.