Қуанышты хабарды марқұмның отбасына құқықтық көмек көрсетіп жүрген адвокат Мейірман Шекеев әлеуметтік желідегі парақшасында хабарлады. Ол Қаржаубайлар әулетін жаңа баспанамен құттықтауға барған сәтінен бейнежазба жариялаған.
Бұл қуанышқа ең алдымен Алланың қалауымен, сондай-ақ Асқар мен Асхат бауырларымыздың жомарттығының, Алматы облысы әкімдігінің қолдауы мен ел-жұрттың дұғасының арқасында қол жеткіздік деп ойлаймын, – деп жазды адвокат.
Еске салайық, 16 жастағы Шерзат Полат 2024 жылдың 4 қазанында Алматы облысы, Талғар қаласында болған төбелес кезінде қаза тапқан еді. Ал 12 қазанға қараған түні марқұмның отбасы тұрған үйді белгісіз адамдар өртеп жіберген болатын.