Актер Дәурен Айдарқұлов Аман Тасығанға берген сұхбатында жеке өміріне қатысты бірқатар сұрақтарға ашық жауап берді.
Актердің айтуынша, әнші Ақбота-Нұр Сейітмағамбеттен дүниеге келген екі баласы бүгінде Дәуреннің ата-анасының қолында тәрбиеленіп жатыр.
«Ақботадан туған екі баламыз алғашында анасымен бірге тұрған. Бірақ Ақбота үнемі сыртта жүреді. Күтушімен өмір сүру бала үшін қиын, нағыз туған-туыстың мейірімін сезіне алмайды. Менің анам үш баламды да тәрбиелеген. Ақботамен ақылдаса отырып, балалардың ата-әжесімен тұрғаны дұрыс деген шешімге келдік. Ақботаның тұратын жері бізден алыс емес, сол себепті балаларды жиі көріп отырады. Бұл жағынан ешқандай мәселе жоқ», – деді Дәурен.
Алайда сұхбат желіде жарияланғаннан кейін көпшілік актерді сынға алып, түрлі пікір білдірді.
Желі қолданушыларының кейбірі:
«Ақботаны қор қылды», «Балаларды үлкен кісілерге бақтырып қойғаны дұрыс емес», «Қиындықтың бәрін ата-әже көтеріп жүр», «Балаларды тірі жетім етіп қойған», – деген сыни пікірлер қалдырған.
