Танымал әнші Төреғали Төрәлінің кенже қарындасы Дина Төрәлі желідегі оқырмандарына сүйінші жаңалығын бөлісті. Ол үшінші нәрестесін күтіп жүргенін жариялап, Instagram парақшасына арнайы видео жүктеді.
Бейнежазбада Дина өзінің ай-күні жақындап қалғанын көрсетті. Ол қуанышын жасыра алмай, әсерлі жазба қалдырған:
«Алланың ең әдемі сыйы – жүрегімнің астында тағы бір жүрек соғып тұрғаны. Бақыт үш есе артты. Шүкір!»
Желі қолданушылары жас ананы құттықтап, ақ тілектерін жаудырды.
Пікірлердің бірінде:
«Үш жылда үш бала туып, үйінде отырған жоқ. Дамып та, қыдырып та, туып та үлгеріп жатыр. Алла денсаулық берсін!» – деп жазған.
Көпшілік Динаға жеңіл жүктілік пен аман-есен босануды тіледі.
Қосымша:
-
Дина Төрәлі – желіде танымал блогер.
-
Соңғы жылдары отбасы құрып, екі баланың анасы атанған.