Танымал әнші Дильназ Ахмадиева жаңа сүйіктісін жария етті. Өнер иесін әріптестері мен тыңдармандары жылы лебіздерімен құттықтап жатыр.
Әнші кадрде әртіс әрі тележүргізуші Талғат Байғұжиновпен құшақтасып түскен. Дильназ суретке ешқандай түсініктеме қалдырмаған, ал Талғат жазба астына қызыл жүрек эмодзисін қойып жауап берген.
Желі қолданушыларының пікірі екіге бөлінді: біреулер оларды әріптестер деп есептесе, енді біреулер бақыт тілеп, сүйіспеншілікке толы пікірлер қалдырған.
«Бақытты болыңдар», «Қандай әдемі жұп», «Құттықтаймыз!», «Махаббат әні жетіспей тұр», «Жарасымды жұп», «Мүмкін, жаңа клипке түсіп жатқан шығар», «Олар жай ғана достар» – деп жазды көпшілік.