Бокстан екі дүркін әлем чемпионы Махмұд Сабырханның екінші жары спортшының бірінші әйелімен не үшін ажырасқанын түсіндірді.
Ол Instagram парақшасында көптің көкейіндегі сұраққа жауап беріп, ажырасу бастамасы спортшыдан емес, бірінші жары Назымнан болғанын айтты.
«Махмұд онымен ажырасамын деп отбасын құрған жоқ, ондай ойы да болмаған. Маған бәрін түсіндіріп берді. Назым өзі кеткісі келген, кетті. Махмұд қанша оған түсіндіргісі келсе де түсінбеген. Папасына да айтқан: “Қызыңыз кетемін деп жатыр, қой демейсіз бе?» деп. Сосын соңында папасы осылай жазып жіберген», — деді ол.
Ол жариялаған скриншотта Назымның әкесінің спортшыдан «талақ» беруін сұрағаны көрсетілген.
«Болды, талағыңды бер де, өміріне араласпа», — делінген хабарламада.
Айта кетейік, жуырда Махмұд Сабырхан екінші рет шаңырақ көтергені белгілі болып, бұл жаңалық әлеуметтік желіде қызу талқыланған еді.
Сабырхан – Олимпиадаға қатысушы, 2021 және 2025 жылғы әлем чемпионы.