Zuffa Boxing промоутерлік компаниясы, UFC басшысы Дана Уайт пен Сауд Арабиясының ойын-сауық басқармасының төрағасы Түрки Әл-Шейхтың негізін қалаған, өз қатарына Қазақстанның топ-боксшыларын қосқанын хабарлады.
Промоушеннің ресми аккаунтында жаңа келісімшарттар тізімі жарияланды. Бұл тізімде Қазақстаннан екі боксшы да бар. Олар 2016 жылы Олимпиада жеңімпазы, Қазақстанның соңғы олимпиада чемпионы Данияр Елеусінов және екі дүркін Олимпиада жүлдегері (2012, 2016) Иван Дычко.
Отандастарымыз Zuffa Boxing-пен келісімшартқа отырды және екеуі де кәсіби рингте едәуір тәжірибеге ие.
34 жастағы Данияр Елеусінов жартылай орта салмақта 15 кәсіби жекпе-жек өткізді және барлығында жеңіске жетті, соның ішінде 8 жекпе-жегін нокаутпен ұтты. Соңғы жекпе-жегін 2025 жылғы 19 шілдеде АҚШ-та өткізді.
35 жастағы ауыр салмақтағы Иван Дычко 16 жекпе-жек өткізді, оның 15-інде жеңіске жетіп, 14 жекпе-жегін нокаутпен аяқтады. Соңғы жекпе-жегінде 2025 жылғы 13 қыркүйекте Джермейн Франклинге жеңілді.
Zuffa Boxing – жаңа промоутерлік компания. Алайда, 2026 жылдың алғашқы екі айында оның ұйымдастыруымен үш бокс кеші өтті: біреуі қаңтар айында, екеуі ақпан айында. Жекпе-жектер UFC түсірілім павильонында өтіп, көрермендер саны шектеулі болды.
