Футболшылардың нарықтық құнын бағалайтын Transfermarkt порталы Қазақстан құрамасы ойыншыларының жаңартылған трансферлік құнын жариялады. Соңғы рейтингке сәйкес, 17 жастағы шабуылшы Дастан Сәтпаев ел чемпионатының ғана емес, жалпы Қазақстан футболының ең қымбат ойыншысы атанды.
«Қайраттың» жас форвардының трансферлік құны соңғы уақытта 1,2 миллион еуроға өсіп, қазір 3 миллион еуро деп бағаланып отыр.
Осылайша, жаңартылған мәліметтер бойынша, Дастан Сәтпаев бұрын Қазақстан құрамасының көшбасшылары саналған Бахтиер Зайнутдиновті (2,8 млн еуро), Нұралы Әліпті (2,5 млн еуро) және Максим Самородовты (2,5 млн еуро) артта қалдырып, ел тарихындағы ең қымбат футболшы мәртебесіне ие болды.
