Белгілі әнші Қарақат Әбілдина әлеуметтік желідегі парақшасында келесі жылға жоспарланған тұсаукесер рәсіміне өтініш қабылданатынын хабарлады.
Өнер иесі бір күннің ішінде 19 қыздың тұсауын кескен сәттен видео жариялап, сәбилердің алғашқы қадамына ақ батасын бергенін айтты.
«Тәй-тәй басқан періштелердің жолы ашық болсын! Бүгінгі қуаныш – ертеңгі тарих. Жаратқан маған осындай ерекше сәттерді сыйлап қойғанына шүкір. Кеше бері жұмыс телефоныма тұсаукесерге жазылу туралы көп өтініш түсіп жатыр. Сондықтан осы посттың астына қалдырған өтініштеріңіз бойынша, Алла қаласа, 2026 жылы тағы да ұйымдастыруды жоспарлап отырмыз. Ең бастысы – амандық, тыныштық, береке болсын», – деп жазды әнші.
Әбілдина алдағы шараны да игі ниетпен өткізуге ниетті екенін айтты.
Посмотреть эту публикацию в Instagram