Бүгін Лос-Анджелесте 39 жасында, ұзақ және ауыр дертпен күрестен кейін шыққан тегі армениялық, америкалық боксшы Геннадий Головкиннің бұрынғы қарсыласы Ванес Мартиросян дүниеден озды.
Мартиросян 1986 жылы Армян КСР-інде дүниеге келген, төрт жасында отбасымен бірге АҚШ-қа көшкен. Ол АҚШ чемпионаты мен «Алтын қолғап» турнирін сегіз рет жеңіп алған және 2004 жылы Афина Олимпиадасында АҚШ атынан өнер көрсеткен.
Кәсіби рингте Ванес 41 жекпе-жек өткізіп, 36 жеңіс, 1 тең нәтиже және 4 жеңіліс тіркеген. Барлық жеңілістерін ол сол кездегі немесе болашақ чемпиондардан алған: Геннадий Головкин, Джермелл Чарло, Эрисланди Лара және Деметриус Андрейда.
Мартиросян 2018 жылы мансабын аяқтаған. Бұл шешімге бір жағынан Геннадий Головкинге қарсы болған нокауттық жеңіліс әсер етіп, екінші жағынан промоутері Дон Кингпен туындаған келіспеушіліктер себеп болған.
