Биыл Төрехан Сабырхан қазақ боксының жарқыраған жас жұлдызына айналды. Ересектер арасындағы кездесулерде әлі жеңіліп көрмеген 19 жастағы шымкенттік былғары қолғап шебері әсерлі техникасымен ғана емес, көрерменді тартымды стилімен де тәнті етуде.
2025 жылғы әлем чемпионатының алтын жүлдегері рингтегі шеберлігімен қатар, ринг сыртындағы кәсіби әдебі және мінез-құлқымен де ерекшеленеді.
2005 жылғы әлем чемпионы Ердоc Жаңабергенов «Бокс студиясына» берген сұхбатында жас спортшының тәртібі мен жауапкершілігіне ерекше тоқталды. Ол қазіргі буын боксшыларына не жетіспейтінін айта келе, Сабырханды үлгі ретінде келтірді:
Мысалы, Төрехан Сабырхан. Мен білемін, оның телефоны 22:30-да міндетті түрде өшеді. Міне, нағыз тәртіп пен әкенің дұрыс тәрбиесі!, — деді Ердоc Жаңабергенов.
