Словенияда өтіп жатқан жастар арасындағы IA дивизионының әлем чемпионатында Қазақстан құрамасы Францияны 14:6 есебімен жеңіске жетті.
Матчтың алғашқы кезеңінде Қазақстан 0:2 есебімен жеңіліп жатқан еді. Екінші кезеңде отандастарымыз төрт шайба соқса, француздар тек бір шайбамен жауап берді. Үшінші кезеңде Қазақстан құрамасы тоғыз, қарсылас – үш шайба соқты. Қорытынды есеп – 14:6.
Айта кетейік, турнир басталғанда Қазақстан командасы Украинадан овертаймда 1:2 есебімен жеңіліп, Словенияны буллит бойынша 5:4 жеңген еді.
Бүгін Қазақстан құрамасы Норвегиямен кездеседі, ал 13 желтоқсанда соңғы матч Аустрияға қарсы өтеді. Қазіргі уақытта Қазақстан құрамасы 6 ұпай жинап, екінші орында тұр. Бірінші орында – Норвегия (8 ұпай). IA дивизионынан элитаға тек бір команда ғана көтеріледі.
