Танымал актриса әрі продюсер Дариға Бадықова жаңа «Таптым-ау сені 3» фильмінің түсірілімі аяқталғанын мәлімдеді.
Актриса бұл туралы әлеуметтік желідегі парақшасында жариялаған бейнежазбасында айтты. Оның сөзінше, фильмнің түсірілімі кезекті рет ауылдық жерде өткен.
«Тағы да бір ауылда 5 актермен, 2 локацияда кино түсіріп, миллиард жинауға ниеттенгені үшін DBO production кешірім сұрайды», – деп әзілдеді Бадықова жариялаған видеода.
Сондай-ақ продюсер жаңа туындының қашан көрерменге жол тартатынын да хабарлады.
«Тағы да ауылда кино түсірдік! Не дейін енді? Өздеріңіз айтыңыздаршы. Бізде бәрі шынайы. Көрерменге арналған “Таптым-ау сені 3” фильмі түсірілді. Бұйыртса, 26 наурызда прокатқа шығады», – деді ол.
Айта кетейік, «Таптым-ау сені» фильмдер сериясы бұған дейін де көрерменнің ыстық ықыласына бөленіп, қазақстандық прокатта жоғары табыс көрсеткен болатын.
