Павлодар футбол мектебінің түлегі, «Ертістің» аңыз футболшысы Руслан Есімов клубтың спорт директоры қызметіне тағайындалды. Ол «Ертіс» сапында 150-ден астам матч өткізіп, 17 гол соққан.
Өткен маусымның қорытындысы бойынша кәсіби мансабын аяқтаған «Ертістің» аңыз ойыншысы Руслан Есімов футбол клубының спорт директоры қызметіне кірісті. «Ертіс» сапында ол 150-ден астам матч өткізіп, 17 гол соқты. Клубпен бірге Қазақстан Премьер-лигасының қола жүлдегері атанып, Екінші лиганың чемпионы және Бірінші лиганың вице-чемпионы болды. Павлодарлық жанкүйерлердің сүйіктісіне айналған Руслан Есімов команданың қайта жандануына елеулі үлес қосып, Қазақстан Премьер-лигасына қайта оралуында маңызды рөл атқарды. Екібастұз қаласындағы балалар мен жасөспірімдер спорт мектебінің түлегі кәсіби мансабында жалпы 389 матч өткізіп, 50 гол соққан, – делінген хабарламада.
Айта кетейік, бұған дейін павлодарлық «Ертістің» бас бапкері қызметіне Беларусь маманы Кирилл Алшевский тағайындалған болатын.
