Дубайда (БАӘ) өтіп жатқан Халықаралық бокс федерациясы (IBA) ұйымдастырған 2025 жылғы әлем чемпионатында барлық ширек финалға шыққандар белгілі болды.
1/8 финалға тек Ресей құрамасы ғана толық құрамда шықты. Яғни, Ресейдің барлық 13 боксшысы жеңіске жетті.
Жартылай финалға шыққандар саны бойынша екінші орында Өзбекстан құрамасы – 11 боксшы. Қазақстан құрамасы 10 өкілмен үшінші орында тұр. Ерасыл Жақпеков (81 кг), Даулет Төлемісов (86 кг) және Нурмагамед Юсупов (92 кг) жарыс жолынан шығып қалды.
10 желтоқсандағы жекпе-жектер:
18:15, 48 кг: Теміртас Жүсіпов – Лал Прасад Упрети (Непал)
18:45, 54 кг: Сәкен Бибосынов – Мвенго Мвале (Замбия)
19:00, 60 кг: Серік Теміржанов – Акмал Убайдов (Тәжікстан)
19:30, 67 кг: Санәтәлі Төлтаев – Асадхужа Муйдинхужаев (Өзбекстан)
20:15, 75 кг: Сабыржан Аққалықов – Мирослав Капулер-Ищенко (Израиль)
21:15, +92 кг: Нұрлан Сапарбай – Давид Чалоян (Армения)
22:15, 51 кг: Даниял Сабит – Патрик Чинемба (Замбия)
22:30, 57 кг: Оразбек Асылқұлов – Карлос Мартинес Бернад (Испания)
23:15, 63,5 кг: Ертуған Зейнуллинов – Ахмад Штиви (Израиль)
23:45, 71 кг: Абылайхан Жүсіпов – Сархан Әлиев (Әзербайжан)
Айта кетейік, жартылай финалға шыққандар кем дегенде қола медальға ие болады.
IBA ұйымдастыруымен өтетін 2025 жылғы әлем чемпионаты 13 желтоқсанға дейін жалғасады. Турнир жеңімпаздары – 300 000 доллар, күміс жүлдегерлер – 150 000 доллар, қола жүлдегерлер – 75 000 доллар, ширек финалға шыққандар – 10 000 доллар алады.
