Қазақстанның еркін күрестен алғашқы әлем чемпионы Ризабек Айтмұхан жанкүйерлерінің сынына өз пікірін білдірді.
97 кг салмақта өнер көрсететін палуан сын оның өнеріне мотивация беретінін айтты. Спортшының сөзінше, негізсіз пікірлер көбіне оның жақындарына әсер етеді, сондықтан оған аса назар аудармайды.
Шынын айтсам, мүлде назар аудармаймын. Сын – жақсы, өйткені дұрыс қабылдасаң, ол сені ынталандырады. Ал негізсіз пікірлер психологиялық тұрғыдан жақындарыңа әсер етуі мүмкін. Сондықтан мен үшін сын – алға жылжуға итермелейтін күш, – деді Айтмұхан.
