Германияның «Бавария» клубы УЕФА Чемпиондар лигасының ширек финалындағы алғашқы матчта мадридтік «Реалды» сырт алаңда жеңіп шықты.
Кездесу Мадридтегі «Сантьяго Бернабеу» стадионында өтіп, қонақтардың 2:1 есебіндегі жеңісімен аяқталды.
Ойынның 41-минутында мюнхендік команданың вингері Луис Диас мергендік танытса, үзілістен кейін, 46-минутта Англия құрамасының капитаны Харри Кейн «Баварияның» басымдығын еселей түсті.
74-минутта «Реал» сапынан Килиан Мбаппе есеп айырмасын қысқартқанымен, алаң иелері таразы басын теңестіре алмады.
Командалар арасындағы қарымта матч 15 сәуірден 16 сәуірге қараған түні Мюнхендегі «Альянц Арена» стадионында өтеді.
