Қырғызстан астанасы Бішкекте өткен еркін күрестен Азия чемпионатынан кейін Қазақстан ұлттық құрамасының бас бапкері Данияр Қайсанов жарыс қорытындысына баға беріп, алдағы жоспарлар туралы айтты.
Бапкердің айтуынша, қазақстандық балуандар құрлықтың үздік спортшыларымен өткен белдесулерде негізінен жылдамдық пен қарқын жағынан ұтылған.
Біздің балуандар көбіне “классикалық” стильде күреседі, ал қазіргі қарсыластар жоғары қарқын мен динамикаға сүйенеді. Осы бағытта біз қалып қойып отырмыз. Бұл мәселемен алдағы уақытта нақты жұмыс істейміз. Азия ойындарына дейін уақыт аз, – деді Қайсанов.
Оның сөзінше, алдағы кезеңде құраманың дайындығы күрес қарқынын арттыру мен заманауи стильге бейімделуге бағытталмақ.
