Қазақстан ұлттық құрамасының ойыншысы Ғалымжан Кенжебек «Ахмат» клубы сапындағы алғашқы ойынын өткізді.
Грозныйлық команда Түркиядағы оқу-жаттығу жиындары аясында Сербияның «Нови-Пазар» клубымен жолдастық кездесу өткізді. Бұл матчта Ғалымжан Кенжебек екінші таймда алаңға шығып, «Ахмат» сапындағы дебютін жасады.
Жартылай қорғаушы 66-минутта қақпаға қауіпті соққы жасағанымен, добы нысанадан сәл жоғары өтті. Нәтижесінде «Ахмат» қарсыласына 0:1 есебімен жол берді.
Айта кетейік, команданың алғашқы таймын Қазақстан құрамасының тағы бір өкілі Максим Самородов толық өткізді. «Ахматты» Қазақстан құрамасының бұрынғы бас бапкері Станислав Черчесов жаттықтырады.
