Эр-Рияд қаласында (Сауд Арабиясы) 1–8 қараша аралығында өтетін WTA маусымның қорытынды турнирінің жеребесі тартылды.
Қазақстанның бірінші ракеткасы әрі әлемнің алтыншы нөмірлі теннисшісі Елена Рыбакина Серена Уильямс тобына түсті. Оның қарсыластары – Ига Швентек (Польша), Аманда Анисимова (АҚШ) және тағы бір америкалық теннисші Мэдисон Киз.
Ал Штеффи Граф тобына Арина Соболенко (Беларусь), америкалық Кори Гауфф пен Джессика Пегула және италиялық Жасмин Паолини енді. Әр топтан екі үздік спортшы жартылай финалға жолдама алады.
