Бүгін Италияның Милан қаласында төртжылдықтың басты спорттық додасы – XXV қысқы Олимпиада ресми түрде басталады.
Қазақстан құрамасы бұл Олимпиадада 10 дисциплина бойынша 36 спортшымен сынға түседі. Атап айтқанда, ел намысын шаңғы жарысы, конькимен жүгіру, биатлон, шаңғымен трамплиннен секіру, шорт-трек, фристайл-могул, фристайл-акробатика, мәнерлеп сырғанау, шаңғы қоссайысы және тау шаңғысы спортшылары қорғайды.
Олимпиаданың ашылу салтанатының тікелей көрсетілімін QAZSPORT, QAZAQSTAN және ХАБАР телеарналары жүргізеді. Трансляция Астана уақытымен 00:00-де басталады.
Қазақстандық спортшылардың қатысуымен өтетін алғашқы жарыстар 7 ақпанға жоспарланған.
