Орта салмақтағы қазақстандық боксшы Жәнібек Әлімханұлы мен кубалық мен Эрисланди Лара WBO, IBF және WBA белбеулері үшін біріккен титулдық жекпе-жегі ресми түрде жарияланды.
Отандасымыз қазірге дейін WBO, IBF тұжырымдары бойынша орта салмақтағы әлем чемпионы атанған. Енді Жәнібек 6 желтоқсанда WBA тұжырымы бойынша орта салмақтағы әлем чемпионы, 42 жастағы Эрисланди Ларамен қолғап түйістіреді.
Бұл жекпе-жек АҚШ-тың Техас штатында орналасқан Сан-Антонио қаласында өтеді. Аталған бокс кешінде Ламонт Роуч пен Исаак «Питбуль» Крус та өзара кім мықтыны анықтайды.
