Белгілі меценат әрі спорт жанашыры Ерлан Қожаспай кеше Алматыда аяқталған теннистен ATP 250 турнирін тамашалады. Бұл шараға еркін күрестен үш дүркін әлем чемпионы Ризабек Айтмұхан және Париж Олимпиадасының қатысушысы Әлішер Ерғалимен бірге барды.
Теннис жарысын бақылау кезінде Айтмұхан теннистің бір ғана жарысына миллион доллардан астам қаржы бөлінетінін естіген. Мұны естіп, ол өзінің спорттық мансабын еркін күреске арнағанына сәл өкінгенін ашық айтты.
«Аға, біз басқа спорт түрін таңдаған екенбіз ғой…», – деді Ризабек, теннистің қаржылық мүмкіндіктерімен күрес спорты арасындағы айырмашылыққа таңырқап.
