2025 жылғы 1–6 желтоқсан аралығында Алматы қаласындағы «Almaty Arena» спорт кешенінде (Нұркент шағын ауданы, 7) ересектер арасында грек-рим, еркін және әйелдер күресінен Қазақстан Республикасының чемпионаты өтеді.
Чемпионатқа еліміздің барлық өңірі мен республикалық маңызы бар қалаларынан 1000-ға жуық балуан қатысады. Сонымен қатар, биылғы жарыста халықаралық ареналарда ел намысын абыроймен қорғап жүрген танымал спортшылар да белдеседі.
