Актриса әрі тележүргізуші Анар Батырхан «Менің өмірім» бағдарламасына берген сұхбатында болашақ жарына қоятын талаптары туралы ашық айтты.
Оның сөзінше, ол еш жағдайда да ауылдың жігітіне тұрмысқа шықпайды.
«Жасым 30-ға келді. Бірақ қанша жерден сүйіп қалайын, ауылдың жігітіне тұрмысқа шықпаймын. Бұл – менің талабым. Себебі ауылдың жағдайына шыдай алмаймын. Кішкентайымнан қалада өстім, сондықтан маған Алматының жігіті керек. Тіпті басқа қалаға да көшпеймін», – деді Анар Батырхан.
Сондай-ақ ол болашақ күйеуінің қаржылық жағдайы да маңызды екенін жасырмады.
«Тағы бір талабым – болашақ жарымның табысы менен бірнеше есе көп болуы керек. Әйелінен аз табатын күйеуді еркек деп айта алмаймын. Қазір мен айына 5-6 миллион теңге табамын, демек күйеуімнің табысы осы сомадан кем болмауы тиіс», – деді тележүргізуші.
Анар Батырханның бұл пікірі әлеуметтік желіде қызу талқыланып, көпшілік арасында әртүрлі көзқарас тудырды.
