Танымал әнші Балжан Бидаш өнер жолындағы алғашқы қадамдарын еске алып, студенттік кездеріндегі ерекше өмірі туралы айтып берді.
Қызылордадан Алматыға келгенде жатақханада емес, бір бөлмелі жалдамалы пәтерде тұрдық. Мен, ағам Бақыт Бидаш, Серік Ибрагимов, әнші Шоқан Уәлихан және әпкем Сымбат бірге тұрдық. Сол кезде 5-6 адам бір бөлмеде өмір сүрдік. Кейін бәріміз бірге екі бөлмелі пәтерге көштік. 3-курсымда KeshYou тобына қосылып, Ақбота екеуміз бірге тұрдық, – деді әнші.
Балжан алғашқы курстарда ағаларымен бірге тұрғандықтан жеке өмірінің болмағанын да айтты. «Кешкі 21.00-ден кешігіп келсем, Серік аға іздеп, ұрысатын. Олар мені қорғап, уайымдайтын», – деп еске алды ол.
