Продюсер Альбина Қапсәлім әйгілі композитор Ескендір Хасанғалиевтің жары Дарико Хасанғалиеваның шаңырағына арнайы барып, оны мерекемен құттықтады.
Бұл сәтпен продюсер әлеуметтік желідегі парақшасында бөлісіп, қазақ даласына кеңінен тараған «Ескірмеген махаббат» әнін еске алды. Оның айтуынша, шынайы сезім мен адал махаббат жылдар өткен сайын тіпті де қымбат бола түседі.
«Нәзік сезім мен ғашықтықтың символына айналған, Ескендір Хасанғалиев атамыздың музасы әрі өмірлік серігі болған Дарико апайымызды жаңа жылымен құттықтап, арнайы амандасып, батасын алып қайттық. Дарико апай – сабыр мен сұлулықтың, парасат пен нәзіктіктің үйлескен бейнесі. Нағыз әйелдік сұлулықтың эталоны десе болады. Осындай аналардың батасы – ұрпаққа аманат», – деп жазды Альбина Қапсәлім.
Желі қолданушылары да қазақ музыкасының аңыз тұлғасының жарына жылы лебіздерін білдіріп, денсаулық, ұзақ ғұмыр және амандық тілеген пікірлерін қалдыруда. Көпшілік Дарико Хасанғалиеваны адал жардың, асыл ананың және парасатты әйелдің жарқын үлгісі ретінде атап өтуде.
Посмотреть эту публикацию в Instagram
