Қазақстан Республикасының Мәдениет және ақпарат министрі Аида Балаева Италияға ресми іссапары барысында әлемге әйгілі опера әншісі Мария Мудрякке «Қазақстанның еңбек сіңірген қайраткері» мемлекеттік атағын табыстады.
Джузеппе Верди атындағы Милан консерваториясының түлегі Мария Мудряк бүгінде әлемнің ең үздік опера сахналарында өнер көрсетіп, қазақ өнерінің беделін халықаралық деңгейде көтеріп жүр.
Осыған дейін Мемлекет басшысы Қасым-Жомарт Тоқаевтың Жарлығымен Мария Мудрякке бұл жоғары марапат берілгені белгілі болған еді.
Павлодар облысының әкімі Асайын Байханов та жергілікті өнерпазды құттықтап, жылы лебізін білдірді:
«Бұл қуанышты жаңалыққа мен де, барлық павлодарлықтар сияқты, шын жүректен қуанып отырмын. Марияның өнері – еліміздің мәдениетіне, әлемдік сахнадағы беделіне қосылған өлшеусіз үлес. Ол туған өлкеміздің атын ең мәртебелі опера сахналарында абыроймен танытып келеді. Сіздің өнер жолыңыз – талант пен табандылықтың, отанға деген сүйіспеншілік пен адалдықтың жарқын үлгісі. Сізге мықты денсаулық, сарқылмас шабыт, жаңа табыстар мен биік шығармашылық белестер тілеймін!»
Посмотреть эту публикацию в Instagram
